A diferencia entre neo- e paleo-

Gustaríame que escoitásedes a esta moza que sempre me gustou na tele e na radio. Aquí conta a súa experiencia lingüística que me resulta tan familiar....!

Aproveito que fai un xogo con estes prefixos gregos para poñervos tarefa: localizade os helenismos que poidades no seu discurso. Hai premio para quen máis localice (e non son puntiños).

Un aliciente máis, menciona Xinzo -xa sei que iso vos gusta moito-.

Αἴνιγμα

Un dos mellores pianistas españois contemporáneos estreará un concerto para piano e orquesta en Madrid o próximo 1 de febreiro. Non poderemos asistir á estrea, pero ímonos achegar un pouco á súa obra incitándovos a descubrir o título dese concerto, título que dende o principio nos achega ó mundo grego.

Seguro que dades coa solución. Pero, por se o puxen difícil de máis, a primeira pista: o título traducido xa volo dixen.

Sobre a Cólquida

Onte falamos de Medea e o seu lugar de orixe, onde chegaron Xasón e os Argonautas. Aquí tedes un mapa que o sitúa. A que país(es) actual corresponde?

A muller na arte e na mitoloxía

Para ir entrando en materia mirade esta presentación

Tamén podedes mirar outras entradas antigas con esta mesma etiqueta.

Αἴνιγμα

Aínda que non ten nada que ver coa temática do concurso, si que vos pode axudar a quitar a ferruxe dos vosos circuitos despois de untalos con tanto melindre (xa sei, algúns e algunhas exercitastes as vosas neuronas cada día cos exercicios greco-latinos que vos recomendei, e algún outro andou coa orella posta na música que escoitaba por ver se algo soaba a helénico). En calquera caso, a ver se resolvedes este enigma:

A quen se atribúe o que din estas liñas escritas en grego? Como se coñece tradicionalmente? Descubrides algo coa tradución que se perdía cando o estudiastes?

Ἐν τοῖς ὀρθογωνίοις τριγώνοις τὸ τετράγωνον ἀπὸ τῆς ὑποτεινούσης πλευρᾶς ἴσον ἐστὶ τοῖς τετραγώνοις ἀπὸ τῶν τὴν ὀρθὴν γωνίαν περιεχουσῶν πλευρῶν .

Concurso Odisea 2011

Xa está aquí unha nova edición desta fermosa aventura; que recordos nos trae da singladura do ano pasado! Os ventos sopraron favorables, logo levantouse unha forte treboada que case afunde as naves limiás; non puideron co seu ímpetu e conseguiron chegar a bo porto coroados de loureiro.

Todos e todas aprendemos da viaxe. Oxalá este ano as aventuras nos deixen novos sabores, a ser posible dóces, aínda que o amargo tamén presta ás veces.

Déixome de lerias e vaiamos ó asunto: aquí tedes toda a información sobre a convocatoria que presenta como único requisito estar matriculado nun centro da comunidade galega. Veredes que hai algunhas novas con respecto a outros anos.

Ídevos preparando, navegantes!