τα μέλη του σώματος

 

Odisea 2025

A Sección galega da Sociedade Española de Estudios Clásicos (S.E.E.C.) convoca a vixésima edición do concurso ODISEA, no que poderán participar todos os alumnos e alumnas que así o desexen, pertencentes a calquera dos Centros Oficiais de Ensino Secundario de Galicia. Aquí tedes o enlace ás Bases e ao calendario completo. 

A continuación, un pequeno resumo:

Terá lugar os días 3, 4, 5 e 6 de febreiro (primeira fase), e os días 12 e 19 de febreiro (desempate local e fase final estatal respectivamente).

Nesta nova aventura de ODISEA 2025 navegaremos achegándonos a un novo tema: Os animais en Grecia e Roma.

 Os tres primeiros días (luns 3, martes 4 e mércores 5 de febreiro) sairán publicadas tres “preguntas” que versarán sobre temas relacionados coa Cultura Clásica:

• 1º día, as preguntas serán sobre os Animais na mitoloxía grega e romana.
• 2º día, versarán sobre os Animais na vida cotiá de Grecia e Roma.
• 3º día, serán sobre os Animais na historia e institucións grecolatinas.

No cuarto día (xoves 6 de febreiro) sairán publicadas outras “preguntas-pistas” e un “preguntón”, de maior dificultade que as preguntas ordinarias: a resposta do “preguntón” virá dada polas iniciais das respostas correctas destas “preguntas-pistas”, seguindo a orde de publicación das mesmas, e que non deberán necesariamente ir acentuadas se a vogal da resposta do preguntón o está. Estas preguntas serán todas elas sobre os Animais na literatura grecolatina.

A nosa nave xa correu innúmeras aventuras na navegación polo proceloso mar dos centros de toda Galicia e, unha vez máis, nesta nova singladura, ansiamos chegar á nosa illa sans e salvos e tamén máis sabios. Deixemos aos nosos alumnos e alumnas que se enfronten como modernos heroes ás preguntas, e desfruten da satisfacción das respostas encontradas co seu esforzo, que cheguen sós a Ítaca e culminen a súa viaxe sen consultar ao oráculo máis que o estritamente necesario.

Fábula de Esopo para navegantes polas imprevistas e enigmáticas augas de Odisea

Unha tartaruga e unha lebre discutían sobre quen era máis rápida. Así, fixaron unha data e un lugar e separáronse. A lebre, pola súa natural rapidez, descoidou o poñerse á carreira, tombouse á beira do camiño e durmiuse. Pero a tartaruga, consciente da súa propia lentitude, non cesou de correr, e deste xeito tomou a dianteira á lebre durmida e levou o premio do triunfo.

A fábula amosa que moitas veces o esforzo vence á natureza descoidada.

Estelas funerarias

 

ΝΕΟ ΣΧΟΛΙΚΟ ΕΤΟΣ

 Χαίρετε; Τί κάνετε;

Pandora

 

Interesante cómic!

Contos do Olimpo

Lore Olympus de Rachel Smithe, en Webtoon

"Sé testigo de lo que los dioses hacen… después del atardecer. Las amistades y las mentiras, los chismes y las fiestas salvajes y por supuesto, los amores prohibidos. Parece ser que los dioses no son muy diferentes a nosotros, especialmente cuando se meten en problemas. Esta historia súper adictiva y con mucho estilo es una de las mejores de la mitología, vista desde los ojos de Perséfone, como nunca la habías visto."

Museo de Olimpia

 Este relevo (c. 490 a.C.) está exposto no museo de Olimpia.  Que vos parece que representa?